Search


Feb 14, 2018

My Tryst with Bible Translation


The Bible is God’s Word given in
human words at specific times in history.
- Gordon D. Fee & Mark L. Strauss

I retired from Foreign Service in 2002 after serving the Government of India for 35 years. It’s a long and tortuous journey from my nomadic village Pherzawl in south-west Manipur to a glittering diplomatic society where one has to hobnob with heads of states and governments and celebrities in the world stage as demanded by the nature of our assignment. It’s a huge responsibility as well as a great fun providing endless opportunities to learn, from various encounters with diverse culture and civilisation across the globe.

Feb 3, 2018

Kawk Bo Trongkam


I believe in the magic and authority of words.
- René Char

Kum 2002-a ka penson chara Baibul inleta inbûr ngat ngat dinga hma ka lak hmain sukfel hmasak makmawa ka ngai thil iemani zat a um a. Saptronga Baibul an lo inlet tah 250 chuong hiel laia besan tlaka ngai dorzon khat vel thlang suok phot a, chuonghai laia pathum vel chu hmang tak dinga sawr bing nawk a, buoina a um phaa innghatna bika hmang ding pakhat nei a nih. Baibul bika mi tam takin a pikhawia an ngai, an trongkam hmang khom ni tin trong tuolleng le inpersan dai tah King James Version (KJV) le a tehruoi hai, a laihawl le khawvelin standat Saptrong an hmang le inzawla inlet New International Version (NIV) le a tehruoi hai, tulai trongkam hmanga hrilfiena le infawma inlet Goodnews Bible (Today’s English Version-TEV) le a tehruoihai chu ka khon khawm bakah commentary thra bika ngai softwares-hai chu sum tam tak sengin ka lam khawm a.

Jan 6, 2018

2017 Thlirletna


We are made wise not by the recollection of our past,
but by the responsibility for our future.

- G.B. Shaw

A thei phot chun kum tin Tuolbuol chawhma tieng hin kum liem tah sung po poa thil tlung inchik tlâka ka ngaihai tarlangna artikul ziek ka tum hrăm hrâm hlak a. Ziek ngeia chanchin sie an um a, zieka insuo an um bok a. A hmasa le nuhnung poimaw dan hi inang de sien khom, sim le hmar ang charh a la hung ni thei. Zieka insuotu chun a thu ziek tiemtu taphothai chuh a thu hretu le vongtu-ah a siem bakah a kawpi lo kol thrahai chun mi dang tam tak an intiemtir bakah a kawpi an kol thra pei chun, thrang la hung thar peihaiin a ziek lai huna an khawvel thlir theina tukverin an la hung hmang pei ding a na; upa deu deu a ta, a hlutna a pung zuol deu deu ding a nih. Zieka sie ringottu chun thu a ziekhai chu mi hriet le ngaithlak dinga a phor lang si naw chun a thi ruolin muol a liempui hlak.

Dec 28, 2017

Hniekhnung Sui (Tracing Footprints)


Lives of great men all remind us
We can make our lives sublime,
And, departing, leave behind us
Footprints on the sands of time.

- H.W. Longfellow

December 20, 2017, Pastor Thangngur thi champha voi- 74na le Sinlung Academy of Letters (SAL) piengcham voi-4na khan Delhi le Sielmatah ka lekhabu buotsai HMAR HLA SUINA (Hmar History, Culture & Literature) Sut Hnina, phek 408 a sa, Library Edition chu tlangzar a ni a. Hi lekhabu hi hla hmanga sir tina inthoka Hmar khawvel thlirna um sun a ni leiin, library changkang taka sie ding khoma inzapui um lo dinga international standard hawl phaka duong a nih. Eini rawi lekhabu insuo a tam lem hi ei inchawk thei tawk ding hisapa lekhapuon man tlawm chi, zing le zana tiem zoa dehawn el ding, chanchinbu sutnaa hmang hlak, tlawmtea inchawk thei dinga sorkarin sie (tax) an sukhnuoi, newsprint hmanga sut a ni tlangpui a. Hieng lei hin lekhabu changkang chu mihai nei thei ding chauh anga ngaina a um. Sura pelte lo syndrome mi khuopna hi sût a, mihai thaw thei le nei thei thil thra chu eini khomin ei nei ve thei ti a tak ngeia hriltu dinga tuta Hmar Hla Suina (Library Edition) hi sut a nih.

Dec 23, 2017

Hmangaina Ruoi (Kristmas Thucha)


Too many sit at the banquet table of the gospel of Jesus Christ
and merely nibble at the feast placed before them. They go through
the motions – attending their meetings perhaps, glancing at
scriptures, repeating familiar prayers – but their hearts
are far away.” - Joseph B. Wirthlin

Khawvela hin hnam tin le ram tinin ni poimaw bik le ‘Kût’ poimaw bik ei nei seng a, chuong nihai chu khùn taka insera hmangin ei lawm hlak. Dannaranin, tu laia ropui taka ram tam lemin ni poimaw ei inser chu ei ramin zalenna a hmuna champha (independence day) a nih. Chu zoa ei inser nawk chu sakhuo indintuhai le mi ropuihai piengcham a nih. Chuong laia danglam tak le hlu tak chu ‘Kristmas’ hi a nih.

Dec 16, 2017

Comma


Punctuation marks are like road signs;
without them we just may get lost...
― Nanette L. Avery

Thuzieka alphabet hawrop ei hmang baka sinsiena lim iemani zat ei hmanghai chu comma, inverted comma (half & full), colon, semi-colon, full stop, dash, slash, apostrophe, mark of interrogation (question mark), mark of exclamation (interjection), parentheses, le fullstop (,/ “/ ‘/ ., /:/-/[]/}/{}/ . /?/ ! ) tihai hi an ni tlangpui. Chuonghai laia ei hmang inrim tak chu comma (,) a nih. Ziek suola ‘m’ pakhat bana ‘coma’ ei ziek vai chun eksiden le thil nghong thut leia khuo hre loa um ti a kawk daih leiin, fimkhur a ngai. Comma hmang indik le hmang suolin thu a phur nasa hle a, a hmang nawna ding hmuna sie chun thu pangngai chie khom umzie dang daih a kawk thei. Hieng sinsienahai hmang dan kalphung hrilna chu ‘Punctuation’ an tih.

Dec 9, 2017

Thangngur Memorial Lecture


Kum 2013 December 20 zan, Rev. Thangngur thi champha voi 70-na khan ka in C-408 Purvasha, Mayur Vihar-1, Delhi-ah Delhi tlanga khawsa mi iemani zat zanbu kil tlang malamin Sinlung Academy of Letters (SAL) indin a ni a. SAL huoihotin  Thangngur Memorial Lecture hi trum li zet Delhi le Tuithraphaiah hlawk taka huoihot a ni tah a. Hung tlung ding December 20, 2017 khom hin HMAR HLA SUINA (HMAR HISTORY, CULTURE & LITERATURE) Sut hnina chu tlangzar malamin SAL-in Churachandpur-ah a hnuoia prokram ang hin a buotsai mek a nih.

Nov 25, 2017

Baibul Juna Inuoi


Ei thupui ‘Baibul jŭna inuoi’ ti hih a dangdai khop el. Ka hmang voi khatna a ni a, mi dangin an hmang khom ka la hriet ngai nawh. Kum sawmnga liem taa Hmar tronga Holy Bible suok hmasa tak Statesman Press, Calcutta an sut lai le a hnunga ka rawia Assembly of God Church-a October 22, 1968-a kan tlangzar lai dam khah ngaituonaah a hung lĕng lŭt a, lung hlui a’n leng vong vong a. Chuong lai chanchin chu tlawm tê bĕk ziek dinga ka lungrilin a mi mor tlat leiin le ka tonhriet chu ruoltharhai khoma an hriet ve ka nuom leiin, ka hung thai lang met a nih.

Nov 18, 2017

Kût Chi Hrang Hrang


Festivals promote diversity, they bring neighbors into dialogue,
 they increase creativity, they offer opportunities for civic pride,
they improve our general psychological well-being. In short,
they make cities better places to live. - David Binder

Ram hrang hrangah umni khama inser amanih hmang hlak ni poimaw ei nei seng. Ram leilung le sik le sa, fakzongna, ring le biek (sakhuona), ram le hnam ta dinga inchik tlak ni poimaw le inzom a ni vong. Ni bik inser le hmang chu dannaranin Saptrong chun ‘Day’ an tih. Entirnan, Republic Day, Independence Day, Martyrs’ Day, Raising Day, Christmas, Good Friday, Pentecost, Diwali, Dusserah, Holi le a dang dang. Sik le sa le fakzongna tieng le inzoma awllen huna lawmna le insukhlimna hun khawtlangin an hmang hlak, Saptronga ‘Festival’ an ti hi tlangpuiin Zohnathlakhai chun ‘Kût’ ei tih. Ei vir bik lei le ei sadukai bik lei khom ni kher loin, Hmar tronga Baibul lo inlet hmasatuhaiin ‘Kût’ ti aia ‘Ruoi’ el khom dittawk loa ‘Ruoithre’ an mi lo tipek tah deu deu hi chuh, vir le themtlawka khom a zuolkai tieng hret a hoi. Thi chilh huoma ngaina pawl hlak bo lo! ‘Fekân Kŭt’ hang ti el dinga ‘Fekân Ruoi thre’ ei la hang ti thlêr duoi el hi chuh, van ram kai leh khom an inhmê chie nawh ie.

Aug 29, 2017

Trong Thlithlaina (Linguistic Survey) - II


Kumpinu opna hnuoia chuong laia British-India ram sung, Afghanistan ramri-a inthoka Burma ram chena hnam chenghai trong thlithlai dinga G.A.Grierson inrawina hnuoia kum 1900 lai bawra beipui an thlak thu le a hnunga India sorkar hnuoia sunzom dinga thrang an lak tumna a hlamzui pei hnunga Professor G. N. Devy inrawina hnuoia ‘People’s Linguistic Survey of India’ (PLSI) inti pawlin vanlantiar 3000 neka tam ruoia kum li sunga survey an thaw chanchin le a rizal chu Volume 50 vela khorpuma insuo pei dinga hma an lak thu chu March 4, 2017 khan ka ziek a.